Tumhay jaana ijazat hay
koi bhi fesla kerlo
hamarey muntazir tehro
ya humko alwida kehdo..!!

***______________***

Hamare naam se mansoob kerlo naam ko apnay
ya apna naam dey k tum kissi k meet ban jao
tumhay janaa ijazat hay
koi bhi fesla kerlo..!!

***______________***

Hamarey paaon may tu waqt ki zanjeer lipti hai
buhat nidhaal hain hum tu dukhon ki aazmayesh may
buhat mumkin hai thak jao hamarey saath chal ker tum
muhabbat ki thakawat tumko humse badgumaan kerdey
tu is se qabal k her ek wapsi ki rah kho jaay
jo socha bhi nahi humne kabhi wo kal ko hojay
tumhay janaa ijazat hay
koi bhi fesla kerlo..!!

***______________***

Tum apnay hosloon may jab thakawat c kabhi paao
ulajh jao masa'yil may , wafa ko na nibha paao
kissi pyarey se mukhray ki haseen aankhon may kho jao
ijazat hay tumhay janaa
ager is pal jo tum chahoo
koi bhi fesla kerlo
hamarey muntazir tehro
ya humko alwida kehdoo!!!!

***______________***

Tere chehre main masoom sa bachcha nazar aata hai
Muskura kar dekhna mujh ko, dil pe qehar dhaata hai

Jabeen par bikhar jaati hain teri zulfen jo pareshaan si
Apni ungliyon se sanwaaroon, mann ye behek jaata hai

Ankhon main machalti hui shokhiyan, woh sharartain
Woh tera baankpan har baar mujh ko qatl kar jaata hai

Aur thak ke jo kar leta hai band apni aankhon ko kabhi
Apne aaghosh main bhar loon, dil mera tadap jaata hai

Tu kya jaane tere ishq ne kya haal kiya mera, ae Dilbar
Jis jaanib dekhta hoon, mujhe tu hi tu nazar aata hai !

                     ***_______________________________________________________***