Hum yaad tumhein aaj bhi karte haiN subah-o-shaam

Kya-kya khayaal jee se guzarte hain subah-o-shaam
zakhm naye dil meiN ubharte hain subah-o-shaam

Sadiyaa guzar gayii hain tumhein bewafaa hue
Hum yaad tumhein aaj bhi karte haiN subah-o-shaam

Reh-reh ke ,chaunk-chaunk ke main neend se jaagu
Ban-ban ke mere sapne bikharte hain subah-o-shaam

Jab-jab teri yaadon ki ghata dil pe chhaayi hai
Baadal meri aankhon ke baraste hain subah-o-shaam

Pal-pal main dekhta huun uTh ke raahguzar ko
Nain terey deedar ko taraste hain subah-o-shaam

Mat poochiye kya aalam-e-khwaab- o-ummiid hai
aNgaar se seene mein dehakte haiN subah-o-shaam

Ik baar chhuaa tha tere phuulon se badan ko
"Shool" ke haath ab bhi mehakte hain subah-o-shaam